Социалдык тармактарда аймактын кээ бир тургундары аталышты өзгөртүүгө каршы пикирлерин билдиришүүдө. Өз кезегинде райондук мамлекеттик администрациясы, айыл өкмөтүнө айылдардын аталышын өзгөртүү боюнча кайрылуу келип түшкөндүгүн маалымдады. 2025-жылдын 30-декабрында айыл өкмөтүнүн башчысына Жээк айылдык аймагындагы тургундар тарабынан Дмитриевка айылын Эсиркемиш айылына өзгөртүү боюнча жыйнактык арыз келип түшкөн.
Ошентип, 2026-жылдын 22-январында Дмитриевка айылында аталышты өзгөртүү боюнча коомдук талкуу өткөрүлдү, ага 250–270дей тургун катышты. Талкуунун жыйынтыгы боюнча Дмитриевка айылын Эсиркемиш айылына өзгөртүү маселеси айылдык кеңештин сессиясына чыгаруу чечими кабыл алынды.
2026-жылдын 23-январында айылдык кеңештин сессиясы болуп, депутаттар Дмитриевка айылын Эсиркемиш айылына өзгөртүү боюнча макулдуктарын беришти.
Неге жергиликтүү тургундар Дмитриевка айылын Эсиркемиш айылына өзгөртүүнү демилгелешкенин Turmush агенттигинин кабарчысы тактады.
Райондук мамлекеттик администрациядан билдиришкендей, Эсиркемиш мурда бий болгон жана азыркы Дмитриевка айылында кыштап, өз эли менен жашаган. «Тагай-биядан [байбичеден] Богорстон, Койлон, Кылжыр деген уулдар төрөлгөн, башка аялдардан дагы бир нече балдар болгон. Богорстондон Эштек, андан Солто төрөлгөн. Бирок көбүнчө Эштекти эмес, «Солто Богорстондон» деп айтышат. Илимий изилдөөлөрдө Солто уруусу кыргыз этносуна кирген негизги компоненттердин бири катары каралат. Солто уруусунун келип чыгышы (генезиси) боюнча ар кандай пикирлер бар: көпчүлүк изилдөөчүлөр Солтону Орто кылымдагы Түштүк Сибирь аймагындагы кыргыздар менен байланыштырат жана аны кыргыз этносуна кирген байыркы уруулар катарына киргизишет.
Уруунун ички түзүлүшү татаал структурага ээ жана бир нече уруулардан турат. Негизги ядро Күнтуу, Култуу жана Чаа урпактарынан турат — алар Солтонун уулдары катары эсептелет. Күнтуудан: Токбай, Карамерген, Төрө, Кулболду, Жолболду, Байгана, Чоңмурун — «Жети ата Күнтуу». Култуунун урпактарын «чылпак» деп аташкан; XX кылымдын башында Куру-Күнгөйдө алар өзүнчө уездди түзүшкөн.
Чаа-биянын урпактары анын уулдары Талкан, Бөлөкбай (Каракчы) жана Тата тарабынан келип чыккан. Талкандан: Коңурбай, Кошой, Бакы, Багышан, Байболот, Делдең, Алаң — бардыгы жети «ата». Байболот, Делдең жана Алаң «кепер» деп аталган. Октябрь революциясынан мурун Бөлөкбайдын урпактары 4 уездди түзгөн (Жерказар, Жетикашка, Чылпак, Тата, Узун-Кыр деп аталган). Чаа улук жубайынан Тата төрөлгөн, ал Бөлөкбай менен бирге болгон. Алар бир уезд түзүп, Ысык-Ата жана Кегетиде жашашкан.
Бөлөкбайдан: Байсейит, Бүтөш. Байсейиттен: Эсиркемиш, Үкү, Кутумбет, Ногой (Аксакбөрү), Чулу (Жору), Саманчы (Жалайыр), Чүңкөлөй, Айдарбек, Салык.
Эсиркемиштен: Кебек, андан Мурат, андан Тайлак, андан Айдабосун, андан Камбала.
Кутумбеттен: Мырза, андан Адучу, андан Корчу баатыр, андан Сулайман манап.
Аксакбөрүдөн: Абайылда, андан Маамыт.
Бүтөштүн беш уулун лавина алып кеткен, жалгыз уулу — Жакып калган. Жакып жалгыз калганда, ага Кагаз аттуу аялды алып, беш уул төрөлгөн: Төлөн, Тубар, Жагыш, Багыш, Түлөкабыл.
Түлөкабылдан: Чыңгыш баатыр, Чоткара, Балтабай, Үркүнбай, Аралбай, Баястан, Айта (алар «жети баатыр, жети кашка» деп аталат). Чоткадан — Жаманкара-баатыр. Урууга ошондой эле Калмак жана Күрпүка кирет. Күрпүк жырткычка каршы чыккан баатыр болгон.
Жакыптан үч аялынан 11 уул төрөлгөн: Асан, Үсөн, Көккөз, Саткын, Бекназар, Коеш, Дайырбек, Кашкар, Бердике, Нооруз (Оруз уулу), Жээнбек. Үчүнчү жубайы Татыбалыдан Жээнбек, Бердике, Нооруз (Оруз уулу) төрөлгөн — аларды «Жерказар тукуму» [Жерказар урпактары] деп аташат.
Бул маалыматтан Эсиркемиштин кайсы атадан келип чыкканын жана кимдер анын улантуучулары экенин жалпы түрдө түшүнүүгө болот», - деп айтылат жергиликтүү бийлик органдары тарабынан берилген маалыматта.
Объектилер
Спутник
⛶
