Иш-чарага Министрлер кабинетинин төрагасы жана президенттин администрациясынын жетекчиси Адылбек Касымалиев катышты.
Ички иштер министри структурасындагы органдардын санариптештирүү процесси улантылып жатканын белгиледи. Видеонаблюдение системаларын киргизүү жарандардын коопсуздугун камсыздоого жана коомдук тартипти сактоого багытталган.
Министрдин айтымында, президент Садыр Жапаров тарабынан демилгеленген «Коопсуз өлкө» долбоорунун ишке ашырылышы 2026-жылдын аягына чейин пландалган. Бул долбоордун алкагында өлкө боюнча 20 миң видеокамера орнотулат. Ошондой эле долбоорду ишке ашыруу боюнча жылдык иш-чаралар планы бекитилип, жетекчилерге анын аткарылышын көзөмөлдөө тапшырылды.
Мындан тышкары, ички иштер органдарынын жетекчилерине жарандарды тейлөөнүн сапатын жакшыртуу, калкты белгиленген тартипте кабыл алуу жана мыйзамдын алкагында кайрылууларга ыкчам жооп берүү тапшырмасы коюлду.
Ички иштер министрлигинин жетекчилиги коррупцияга каршы күрөштү күчөтүү, кызматкерлер арасында күн сайын түшүндүрүү иштерин жүргүзүү, ошондой эле киберкоопсуздукту бекемдөө жана интернет алдамчылыгына жана санариптик коркунучтарга каршы күрөшүү зарылдыгына көңүл бурду.
Жыйналыштын аягында кылмыштуулуктун алдын алуу, жарандардын коопсуздугун камсыздоо, жол коопсуздугун жогорулатуу, жашы жете электерге каршы кылмыштарды жана үй-бүлөлүк зомбулук учурларын алдын алуу, ошондой эле кызматкерлер арасында кызматтык тартипти жакшыртуу боюнча негизги милдеттер аныкталды.
