Министр Каныбек Досмамбетов саламаттык сактоо системасынын негизги көйгөйлөрүнүн бири рак шишиктери сыяктуу ооруларды кеч аныктоо экенин белгиледи. Көп учурда бейтаптар жардам сурап 3-4-стадиядагы оорулардын учурунда кайрылышат, бул анын пикири боюнча, учурдагы лабораториялык диагностикасынын натыйжасыздыгы менен байланыштуу.
"Диагнозду туура коюу - бул дарылоодогу ийгиликтин жарымы. Ооруну убагында жана так аныктоо үчүн өлкөгө күчтүү лабораториялык инфраструктура керек", - деп баса белгиледи Досмамбетов.Бул контекстте Саламаттык сактоо министрлиги Бишкекте заманбап мамлекеттик референс-лабораториясын түзүү долбоорун иштеп чыгууну баштады, ал жогорку технологиялар менен жабдылган, өнүккөн логистика жана цифралдык инфраструктурага ээ. Регионалдык бөлүмдөрдүн тармагы менен колдоого алынган борбордук лаборатория жогорку сапат стандарттарын камсыздап, жарандар үчүн диагностикага жеткиликтүүлүктү жакшыртат, деп белгилешти ведомстводон.
Мындан тышкары, Досмамбетов Кыргыз мамлекеттик медициналык академиясына лабораториялык профилдеги адистерди даярдоо үчүн факультет ачуу мүмкүнчүлүгүн карап чыгууну, ал эми медициналык колледждерге лаборанттарды окутууну күчөтүүнү тапшырды.
