Мамлекеттик сыйлыктар тизмесине «Кыргыз Республикасынын Эл мугалими» наамын кошуу сунушталууда.
Мыйзам долбоорунун автору түшүндүргөндөй, бул наам 2001-жылдагы документте болгон, бирок 2017-жылы кабыл алынган жаңы мыйзамдан алынып салынган.
Мыйзам долбоорунун негиздемесинде келтирилген маалыматтарга ылайык, 2001-жылдан 2017-жылга чейин «Эл мугалими» наамын 25 адам алган, бирок бүгүнкү күндө алардын болгону жети киши калды.
Депутат мугалимдердин эмгеги жана жетишкендиктери үчүн коомдук таануу жана сыйлык берүү алардын кесибинин престижин жогорулатууга жардам берерин баса белгиледи.
