Мухим документ транспорт жана байланыш министрлиги, Бишкек мэриясы, ошондой эле "Элдик Банк" ААК, "Бат Жет" ЖЧК жана Кытайдын China National Heavy Machinery Corporation компаниясынын өкүлдөрү тарабынан кол коюлду.
Бул меморандумдун негизги максаты - инфраструктуралык долбоорду ийгиликтүү ишке ашыруу үчүн биргелешкен аракеттерди координациялоо жана өз ара аракеттешүүнү өнүктүрүү, ал борбордун транспорттук логистикасын жакшыртууга жана Бишкектин жол тармагындагы жүктөмдү азайтууга багытталган.
Бардык тараптар тең укуктуулук, өз ара пайда жана ачыктык принциптерине негизделген өнөктөштүк мамилелерди өнүктүрүүгө болгон кызыгуусун тастыктады. Батыш айланма жолунун долбоорун ишке ашыруу борбордун транспорттук инфраструктурасын жакшыртууда жана Кыргыз Республикасынын экономикасына инвестиция тартууда маанилүү кадам катары каралууда.
