Агенттиктин директору Эльчибек Жантаевдин Япониянын Кыргызстандагы Өзгөчө жана ыйгарым укуктуу элчиси Хирано Рюити менен болгон жолугушуусунда кадрдык потенциалды өнүктүрүү боюнча кызматташтык маселелери, анын ичинде JDS стипендиялык программасынын жыйынтыктары талкууланды. Кыргызстандык мамлекеттик кызматкерлер Японияда магистратура жана докторантурада билим алууга мүмкүнчүлүк алышууда. Япония өкмөтү 20-агым үчүн 399 миллион иен (чейин $2,5 миллион) өлчөмүндө грант бөлдү.
Талкуунун жүрүшүндө JDS программасындагы орундардын санын 50гө (азыр 20) көбөйтүп, «Жаш лидерлер» программасы үчүн квотаны 10 орунга (азыр 2) кеңейтүү сунушталды. Элчи Хирано Рюити бул сунуштарды япон тарапка өткөрүүгө даяр экенин билдирди.
Ошондой эле ведомстводо 2026-жылы JDS программасынын 20 жылдыгы жана JICAнын Кыргызстандагы өкүлчүлүгүнүн 25 жылдыгы белгиленээрин белгилешти.
