Чүй облусунун Ички иштер башкармалыгынын маалымат кызматына ылайык, Бишкек–Ош унаа жолунда Тоо-Ашуу ашуусунун аймагында күчтүү кар жаап, туман жана муз бар. Иссык-Ата жана Кемин райондорунун айланма жолдорунда, ошондой эле тоолуу жерлерде унаа кыймылы үчүн кыйын шарттар байкалууда.
Жүргүнчүлөргө сунушталат:
- ылдамдык режимин сактап, унаалар арасында коопсуз аралыкты кармоо.
- кескин маневрлерден, күтүүсүз токтоолордон жана негизсиз обгондордон качуу.
- чыгууга даярданардан мурун унаанын техникалык абалын, айрыкча тормоздорду, жарыктарды жана айнек тазалагычтарды текшерүү.
- мүмкүн болсо, алыс сапарларды жана тоолуу аймактарга сапарларды аба-ырайы жакшыраганга чейин токтотуу.
Чүй облусунун Ички иштер башкармалыгы жөө адамдарга жолду кесип өтүүдө этият болууну, жол кыймылынын эрежелерин сактоону жана караңгы убакта жана көрүнүш начар болгондо жарык чагылдыруучу элементтерди колдонууга көңүл бурууну сунуштайт.
