Иш-чарага мамлекеттердин лидерлери, ошондой эле Аргентина, Азербайджан, Армения, Бахрейн, Болгария, Венгрия, Индонезия, Иордания, Казахстан, Катар, Марокко, Монголия, Парагвай, Пакистан, Сауд Арабиясы, Түркия жана башка өлкөлөрдүн премьер-министрлери жана тышкы иштер министрлери катышты.
Дональд Трамп 50дөн ашык мамлекет "Тынчтык кеңешине" кошула турганын билдирди.
Ал өзүнүн киришүү сөзүндө жаңы уюм БУУ менен кызматташып, Газадагы конфликтти камтыган негизги тышкы саясат маселелерин чечүүгө көңүл бурарын белгиледи. "Тынчтык кеңеши" глобалдык проблемаларды чечүүдө БУУнун ордун алмаштырбай турганын айтты.
Трамп ошондой эле дүйнөлүк лидерлерге жаңы демилгеге кошулууга чакырык жасады.
Анын айтымында, "Тынчтык кеңеши" тарыхта түзүлгөн эң маанилүү органдардын бири болуу потеналына ээ.
BBCнин маалыматына ылайык, 19 өлкө бул уюмга катышууга даярдыгын билдирип, алардын өкүлдөрү уставды кол коюшту:
- Аргентина - президент Хавьер Милей;
- Армения - премьер-министр Никол Пашинян;
- Азербайджан - президент Ильхам Алиев;
- Бахрейн - шейх Иса бин Салман Аль Халифа;
- Болгария - премьер-министр Росен Желязков;
- Венгрия - премьер-министр Виктор Орбан;
- Индонезия - президент Прабово Субианто;
- Иордания - вице-премьер-министр Айман Сафади;
- Казахстан - президент Касым-Жомарт Токаев;
- Косово - президент Вьоса Османи;
- Монголия - премьер-министр Гомбожавын Занданшатар;
- Марокко - тышкы иштер министри Насер Бурита;
- Пакистан - премьер-министр Шехбаз Шариф;
- Парагвай - президент Сантьяго Пенья;
- Катар - премьер-министр шейх Мохаммед бин Абдулрахман Аль Тани;
- Сауд Аравиясы - тышкы иштер министри Фейсал бин Фархан Аль Сауд;
- Түркия - тышкы иштер министри Хакан Фидан;
- БАЭ - Аткаруу иштер башкармалыгынын төрагасы Хальдун Аль Мубарак;
- Өзбекстан - президент Шавкат Мирзиёев.
Уставга ылайык, Дональд Трампка бул уюмдун алкагында уникалдуу ыйгарым укуктар берилет. Ал жаңы мүчөлөрдү чакырууга, аткаруу кеңешин түзүүгө, чечимдерге вето коюуга жана өзүнүн мураскерин дайындоого укугу бар биринчи төрага катары белгиленет, бул аны кеңешти башкарууда борбордук фигура кылат.
