Кимдер жөлөкпул ала алышат?
Жөлөкпул жогорку тоолуу жана жеткиликтүү эмес аймактарда жашаган жарандарга, анын ичинде өзгөчө статусу бар аймактардагы чек арага жакын кыштактарда жашаган жарандарга берилет. Жөлөкпул төмөнкү учурларда берилет:
- үчүнчү жана андан кийинки балдарга;
- жөлөкпулду алгандар менен жашаган 3 жашка чейинки балдарга.
Үй-бүлөнүн кирешеси жөлөкпул алууга таасир этеби?
Жок, жөлөкпул үй-бүлөнүн кирешесин жана социалдык-экономикалык абалын эске албастан дайындалат.
Жөлөкпулду алуу үчүн кайда кайрылыш керек жана кандай документтер керек?
Жогорку тоолуу аймактардын тургундары жашаган жериндеги Эмгек министрлигинин аймактык башкармалыгына кайрылышы керек. Жөлөкпулду алуу үчүн төмөнкү документтерди берүү талап кылынат: ата-энелердин паспорттору, балдардын туулгандыгы тууралуу күбөлүктөрү, бир туугандар же бир эле учурда бир нече баланын туулгандыгы тууралуу маалымкат, ошондой эле жогорку тоолуу аймакта каттоонун тастыктамасы. Чет элдик жарандар Кыргызстанда мыйзамдуу жашоосун тастыктаган документтерди сунуштоосу керек. Эгер арызды ишенимдүү адам аркылуу берүү пландалса, паспорт, ыйгарым берүү жана баланын мыйзамдуу өкүлчүлүгү тууралуу соттун чечими берилүүсү керек.
Кандай жагдайларда жөлөкпул токтотулушу мүмкүн?
- эгер жөлөкпулду алгычы өлкөдөн туруктуу чыгып кеткен болсо;
- эгер бала 3 жашка жетпей каза болсо;
- эгер бала толук мамлекеттик камсыздандырууда болсо;
- эгер жөлөкпулду мыйзамсыз алуу фактылары аныкталса;
- эгер үй-бүлө жогорку тоолуу аймактан көчүп кетсе;
- эгер бала 3 жашка жетсе.
Жөлөкпулду алуу мөөнөттөрү:
Жөлөкпулдун төлөмдөрү арыз берилген айдын 1-числосунан баштап, бала 3 жашка чыкканга чейин уланат. Мисалы, эгер арыз 2026-жылдын январь айында берилсе, жөлөкпул 2026-жылдын 1-февралына чейин төлөнөт.
Каттоо жана жашаган дарек:
Жашаган жана убактылуу каттоодон өткөн дарек (АИС «Дарек маалымат бюросу» системасында) «Санарип аймак» автоматташтырылган маалымат системасында катталган дарек менен дал келиши керек. Эгер жаран каттоосуз болсо, ал айылдыктар округуна убактылуу каттоо үчүн кайрылышы керек.
Министрлик ошондой эле өлкөдөн тышкары төрөлгөн балдар тууралуу маалыматтарды тактоо боюнча иш алып барууда.
