Кимдер жөлөкпул алууга укуктуу?
Жогорку тоолуу, жетүүгө кыйын райондордун тургундары, анын ичинде өзгөчө статусу бар айрым чек ара айылдары жөлөкпул алууга укуктуу:- үчүнчү жана андан кийинки балдар үчүн;
- үч жашка чейинки, ал эми жөлөкпул алууга укуктуу адам менен бирге жашаган балдар үчүн.
Жөлөкпулду белгилөөдө үй-бүлөнүн кирешеси эске алынабы?
Жөлөкпул үй-бүлөнүн кирешесинин деңгээлинен жана социалдык-экономикалык абалынан көз карандысыз белгиленет.Жөлөкпулга арызды кантип берүү керек жана кандай документтер керек?
Жогорку тоолуу аймактардын тургундары жашаган жери боюнча Эмгек министрлигинин аймактык башкармалыгына кайрылышы керек. Жөлөкпулду алуу үчүн төмөнкү документтер талап кылынат: ата-эненин паспорттору, балдардын туулгандыгы тууралуу күбөлүктөр, эгиздер же башка балдардын туулгандыгы тууралуу маалымкат, ошондой эле жогорку тоолуу аймакта каттоонун тастыктамасы. Чет элдик жарандар Кыргызстанда мыйзамдуу жашоосун тастыктаган документтерди берүү керек. Эгер арыз ишенимдүү адам аркылуу берилсе, паспорт, ыйгарым укук жана баланын мыйзамдуу өкүлчүлүгү тууралуу соттун чечими берилүүсү керек.Качан төлөм токтотулушу мүмкүн?
- Мамлекеттин чегинен туруктуу чыгып кетүү учурунда;
- баланын үч жашка толбой өлгөн учурда;
- баланын толук мамлекет тарабынан камсыздалган учурда;
- жөлөкпулду мыйзамсыз алуу фактылары аныкталганда;
- үй-бүлө жогорку тоолуу аймактан көчүп кеткен учурда;
- баланын үч жашка толгон учурда.
Төлөмдөрдүн тартиби
Жөлөкпул арыз берилген айдын биринчи күнүнөн баштап эсептелет жана бала үч жашка толгонго чейин улантылат. Мисалы, 2026-жылдын январь айында берилген арыздар 2026-жылдын 1-февралына чейин төлөнөт.Каттоо жана дарек
Жашаган жери боюнча каттоодо турган жарандын дареги (АИС "Даректүү справка бюросунда") автоматташтырылган маалыматтык системада "Санарип аймак" көрсөтүлгөн дарек менен дал келиши керек.Эгер каттоо жок болсо, убактылуу каттоо үчүн айылдык округга кайрылуу зарыл.
Ошондой эле, Эмгек министрлиги чет өлкөлөрдө төрөлгөн балдар тууралуу маалыматтарды тактоо боюнча иштерди жүргүзүп жаткандыгы маалымдалды.
