Бүгүн, 22-январда, парламентте эмгекти коргоо мыйзамына өзгөртүүлөр биринчи окууда каралууда. Эльвира Сурабалдиева 2025-жылдын 8-декабрында өкмөт тарабынан 2003-жылдан бери колдонуп келген эрежелерди жокко чыгарган токтом кабыл алынганын белгиледи. Анын айтымында, бул маселе көптөгөн ишкерлердин кооптонуусун жаратат.
Эмгек министринин орун басары эмгек китепчелерин электрондук форматка өткөрүү негизги жаңылык экенин тактады.
"Бул норма 2025-жылдын январында кабыл алынган Эмгек кодексине киргизилген. Бул боюнча №345 буйрук чыгарылган. Мамлекеттик жана жеке секторлордо электрондук форматка өтүү иштери жүргүзүлүүдө", - деди ал.
Ал ошондой эле "Е-Кызмат" системасында бардык маалыматты сактоочу маалымат базасы түзүлөөрүн кошумчалады.
"Жалпысынан, бардык нормалар мурдагыдай эле калат. Бир гана өзгөртүү - электрондук эмгек китепчеси атайын электрондук платформада жайгашат, анда ар бир кызматкердин жеке кабинети жеткиликтүү болот. Бардык аракеттер ушул кабинетте жүргүзүлөт. Башка өзгөртүүлөр каралган эмес", - деп кошумчалады министрдин орун басары.
