Жогорку Кенештин жыйынында депутат Ырысбек Атажанов жаңы жетекчи өз командасы менен уюмга келгенде узак убакыттан бери иштеп жаткан кызматкерлерди массалык түрдө жумуштан бошотуу маселесине көңүл бурду.
Атажанов мындай кырдаалдарда бул кызматкерлердин укуктары кандайча корголору тууралуу суроо берди.
Эмгек, социалдык камсыздандыруу жана миграция министринин орун басары Камчыбек Досматов жарандардын Эмгекти коргоо кызматына кайрылганда текшерүү жүргүзүлүп, буйрук берилерин айтты. Эгер жаран чечимге макул болбосо, иш сотко өткөрүлүшү мүмкүн.
Досматовдун маалыматына караганда, 2025-жылы Эмгекти коргоо кызматы келип түшкөн арыздар боюнча 1183 текшерүү жүргүзгөн.
