Жогорку Кенештин жыйынында ал "Газпром Кыргызстан" компаниясы бул аймактарды газдаштыруу боюнча өзүнө милдеттенмелерди алганын эске салды, бирок иш аяктаган жок.
"Бишкекте жүздөн ашык жаңы курулуштар бар, алардын көбү көмүр менен жылытууда. Газ 54 турак жай комплексине гана тартылган. Мен Энергетика министрлигинин өкүлүнө суроо бердим, бирок так жооп ала алган жокмун. Неге "Газпром Кыргызстан" газ тартам деп убада берген аймактарда азырынча газ жок? Адамдар зыяндуу абаны дем алууга мажбур. Биз бул маселени бир нече ирет көтөргөнбүз, анткени түтүн маселеси Бишкекте гана эмес, Ошто жана башка шаарларда да курч турат", - деди депутат.
Торага Нурланбек Тургунбек уулу түтүн маселесин чечүү боюнча иштер улантылып жатканын белгиледи. Ал Бишкек бир нече ирет "жашыл шаарлар" категориясына киргенин айтты.
"Бул кышта шаар бир нече ирет "жашыл шаарлар" статусуна ылайык келген көрсөткүчтөрдү көрсөттү. Бул түтүн деңгээлинин кыйла төмөндөгөнүн билдирет. Мэрия булгануунун себептерин аныктоо жана анын кесепеттерин жоюу боюнча активдүү иш алып барууда. Абаны тазалоо боюнча колдонулуп жаткан ыкмалар мактоого арзыйт, анткени оң өзгөрүүлөрдү белгилөө маанилүү. Маселе толугу менен чечилген жок, бирок түтүн деңгээли төмөндөдү", - деп кошумчалады торага.
