23-25-январь күндөрү Ош шаарында, "Газпром – балдар үчүн" спорттук-сауыктыруучу комплексте эркектер жана аялдар арасында дзюдо боюнча өлкө чемпионаты өтөт. Турнирде Кыргызстандын мыкты дзюдочулары катышып, медалдар үчүн жана улуттук курама командага кирүү мүмкүнчүлүгү үчүн күрөшөт.
Сорундарга 48, 52, 57, 63, 70, 78 кг жана 78 кг жогору категорияларында аялдар катышат. Эркектер 60, 66, 73, 81, 90, 100 кг жана 100 кг жогору салмак категорияларында атаандашышат.
Бул чемпионаттын негизги максаты 2026-жылга дзюдо боюнча улуттук курама команданын курамын түзүү болуп саналат. Турнир ошондой эле жаштар арасында спорттук биримдикти бекемдөөгө жана дене тарбиясын популярлаштырууга, ошондой эле катышуучулардын чеберчилигин жогорулатууга жардам берүүчү перспективдүү спортчуларды резервге тандоонун маанилүү этабы болуп калат.
Чемпионатты уюштурууну Кыргыз Республикасынын Министрлер Кабинетинин алдындагы Дене тарбия жана спорт мамлекеттик агенттиги, Олимпиялык спорт түрлөрү боюнча дирекция жана Кыргыз Республикасынын Дзюдо федерациясы жүргүзөт.
