30дан ашык ломбард жабылды
Ош облусунда жана Ош шаарында ломбарддарды текшерүү жүргүзүлдү, бул тууралуу Улуттук коопсуздук мамлекеттик комитетинин (УКМК) маалымат борбору билдирди.
Бул текшерүүнү УКМКнын төрагасы Камчыбек Ташиев баштаган.
Рейддерге УКМКнын, Каржы көзөмөлүнүн жана Мамлекеттик салык кызматынын (МСК) кызматкерлери катышты.
Текшерүүлөрдүн жүрүшүндө мыйзам менен белгиленген пайыздык ставкаларды ашып кеткен учурлар аныкталды, бул компетенттүү органдардын административдик чараларды колдонуу үчүн негиз болду.
Мындан тышкары, 30дан ашык ломбард мөөрлөнүп, жакын арада кошумча текшерүүлөр башталат, алардын жыйынтыгы боюнча бул мекемелердин ишине юридикалык баа берилет.
УКМК ошондой эле мыйзамсыз насыя берүү менен алектенген адамдарды аныктоого багытталган ыкчам-издөө иш-чаралары жүргүзүлүп жатканы тууралуу билдирди. Бул адамдар калкка аткарылышы мүмкүн эмес шарттарда насыяларды берип, залогдук мүлктү мыйзамсыз пайдаланып, ошентип чоң киреше табышат.
Сүрөт www
