2025-жылдын 27-сентябрында кабыл алынган №623 номерлүү Министрлер кабинетинин токтомуна ылайык, 2026-жылдын 12-январынан тартып «Жогорку тоолуу аймактардын тургундарына жардам» деген аталыштагы ай сайынгы жөлөк пулдун төлөнүшү башталды. Бул жөлөк пул 3 жашка чейинки үчүнчү жана андан кийинки балдары бар, тоолуу жана жеткиликтүү эмес жерлерде жашаган, ошондой эле өзгөчө статусу бар айрым чек ара айылдарында жашаган үй-бүлөлөргө арналган.
Арыздарды кабыл алуу 2026-жылдын 12-январында башталган, бул Каракол шаардык эмгек, социалдык камсыздоо жана миграция башкармалыгына кайрылууларды көбөйттү.
Башкармалыктын жетекчиси Билимбек Сагынбаевдин маалыматы боюнча, бүгүнкү күндө 449 арыз берилген, анын ичинен 322си электрондук маалымат базасына киргизилген.
«Учурда алты кызматкер арыздарды кабыл алуу менен алектенишет. Биз документтерди ыкчам иштеп чыгып, бардык кайрылгандарга кеңири түшүндүрмөлөрдү беребиз. Негизги талап — үй-бүлөнүн бардык мүчөлөрүнүн каттоосу, фактический жашаган жери жана пропискасы бири-бирине дал келиши», - деп белгиледи ал.
Жөлөк пулду алуу үчүн төмөнкү документтерди даярдоо керек:
- ата-энелердин паспортунун көчүрмөлөрү;
- балдардын туулгандыгы тууралуу күбөлүктөрдүн көчүрмөлөрү;
- нике күбөлүгүнүн көчүрмөсү;
- эки мамлекеттик банктын бириндеги банк эсеп;
- «Түндүк» системасынан үй-бүлөнүн курамы тууралуу маалымкат.
