«Биз миллиондорун жоготкон жарандардан каттар алууну улантып жатабыз. Жакында, шайлоочулар менен болгон жолугушууда, бул маселе дагы көтөрүлгөн — өткөн алты жылда эч кандай өзгөрүү болгон жок. Бул кырдаалды кантип чечсе болот?» — деди ал өкмөт өкүлдөрүнө кайрылып.
Эскерте кетсек, 2022-жылы Ички иштер министрлиги «Ихсан Групп ЛТД» кооперативинин негиздөөчүлөрүнө жана башкармалыгына карата 209-беренеси «Алдамчылык» жана 210-беренеси «Тапшырылган мүлктү ыйгарып алуу же жоготуу» боюнча кылмыш ишин козгогон. Жабыркагандарга келтирилген жалпы материалдык зыян 276 миллион сомдон ашты.
2024-жылы Бишкектин Первомай райондук соту компаниянын жетекчилерине: Акинай Бекмурзаева жана Эрмат Абылкасымовго 12 жана 11 жыл эркинен ажыратуу жазасын берди.
