Бишкекте коомдук транспорттун айдоочуларынын жол кыймылынын эрежелерин сактоосу жана жолдордогу коопсуздук маселелерине арналган жыйын өттү. Мэриянын басма сөз кызматынан алынган маалыматка ылайык, жыйында шаардагы эң жүктөлгөн аялдамаларда ар жумада, шейшемби, бейшемби жана жума күндөрү өткөрүлүп жаткан регулярдуу рейддердин жыйынтыктары чыгарылды.
Мындан тышкары, жол кырсыктарынын алдын алуу үчүн айдоочулар үчүн түшүндүрүү иш-чаралары жана кошумча инструктаждар өткөрүлдү.
Кеңешмеде аварияларга алып келүүчү негизги факторлор белгиленди жана коомдук транспорттун айдоочуларынын жоопкерчилигин жогорулатууга жана жол кыймылынын эрежелерин сактоону катуу көзөмөлдөө боюнча чаралар сунушталды.
