Болжолдорго ылайык, 2026-жылга чейин Кыргызстандагы айыл чарба муктаждыктары үчүн 182,8 миң тонна минералдык тыңайткыч керек болот, алардын ичинен:
- азоттук тыңайткычтар — 96,2 миң тонна (көктөмдөгү талаа иштерине);
- фосфордук тыңайткычтар — 71,5 миң тонна;
- калийдик тыңайткычтар — 15,2 миң тонна.
2025-жылдын 20-январына карата өлкөгө 21,5 миң тонна минералдык тыңайткыч алып келинген. Учурда жеке компаниялардын кампаларында сатууга даяр 19,2 миң тонна тыңайткыч бар.
Химиялаштыруу, өсүмдүктөрдү коргоо жана карантин департаментинин № 124 буйругуна ылайык, Кыргызстанга чегаралык фитосанитардык пункттар аркылуу автотранспорт жана темир жол транспорту менен алып келинген минералдык тыңайткычтардын эсепке алынышы киргизилет.
