Кыргыз Республикасынын Билим берүү министри Догдуркүл Кендирбаева 2026-жылдын 19-январында «Тунгуч» онлайн мектебинин директору Айсулуу Жамангулова жана орун басарлары менен жолугушуу өткөрдү. Бул тууралуу министрликтин басма сөз кызматынан маалым болду.
Жолугушууда мектептин учурдагы иши жана келечектеги мүмкүнчүлүктөрү талкууланды.
Мектептин директору билим берүү процессинин структурасы өзгөртүлгөнүн, окуу планары жаңыртылганын жана онлайн сабактарды жазып алуу үчүн жабдуулар орнотулуп жатканын билдирди.
Министр онлайн мектебинин негизги милдети ден соолук жагынан же башка себептерден улам традициялык форматта билим берүү мекемелерине бара албаган окуучуларга сапаттуу билим берүү экенин белгиледи.
Жолугушуунун жыйынтыгы боюнча министр Догдуркүл Кендирбаева «Тунгуч» онлайн мектебинин ишин жакшыртууга багытталган бир катар сунуштар жана тапшырмаларды билдирди.
