Бул демилге УКМКнын төрагасы Камчыбек Ташиевдин 19-январда С.М. аттуу жаранга каршы кылмыш ишинин курмандыктары менен болгон жолугушуусунда айтылган.
Спецкызматтын кызматкерлери, салык инспекторлору жана Улуттук банктын өкүлдөрү менен биргеликте ломбарддардагы насыя берүү шарттарын жана пайыздык ставкаларды текшеришет.
Эскерте кетсек, С.М. аттуу жаран бир нече жолу соттолгон, узак убакыттан бери ломбарддар жана карыз берүү тармагында мыйзамсыз ишмердүүлүк жүргүзүп, жогорку пайыздар менен карыздарды катаал шарттарда берип келген. Натыйжада, ал пайда болгон карыздарды жарандардын кыймылсыз жана кыймылдуу мүлкүн мыйзамсыз ээлеп алуу үчүн колдонгон.
