КФС жаш судьялар үчүн VAR системасы боюнча онлайн-курс өткөрдү

15 жана 16-январда Кыргыз футбол союзунун демилгеси менен жаш арбитрларды VAR системасынын иш принциптерине үйрөтүүгө багытталган онлайн-курс өткөрүлдү. Инструкторлор катары КФСтин тажрыйбалуу адистери Артем Скопинцев жана Сергей Грищенко чыгышты.

Курс теориялык бөлүктү камтып, VAR системасынын иш протоколдору, башкы судьянын видеоассистенттер менен өз ара аракеттенүү алгоритмдери, ошондой эле видеоповторлордун негизинде туура чечимдерди кабыл алуу боюнча оюн моменттерин талдоо боюнча кенен маалымат берилди.

Семинарга Кыргызстандын ар кайсы региондорунан 16 жаш арбитр катышып, VAR системасын улуттук деңгээлде киргизүүгө даярданышты.

Курстун негизги максаты судьялардын теориялык билимдерин тереңдетүү, VAR менен иштөөгө даярдоо жана эл аралык талаптарга жооп берген судьялык стандарттар боюнча бирдиктүү түшүнүктү түзүү болду. Мындай окуу курстарын өткөрүү Кыргызстандын футбол судьялыгын модернизациялоо жана өнүктүрүү жолунда маанилүү кадам болуп саналат.