Адистердин маалыматы боюнча, батыштан келген шамал айрым облустарда 15-20 метр секундга чейин күчөйт.
17-19-январда температуранын кескин төмөндөшү күтүлүүдө. Чүй жана Талас өрөөндөрүндө түнкүсүн температура -9…-14°C чейин төмөндөп, күндүз -1…-6°C чегинде болот.
Ош, Жалал-Абад жана Баткен облустарынын өрөөндүк зонасында түнкүсүн температура -2…-7°C, ал эми күндүз -2ден +3°C чейин өзгөрөт. Тоо этектеринде түнкүсүн температура -11…-16°C жетип, күндүз -2…-7°C болот.
Ысык-Көл облусунда түнкүсүн температура -7…-12°C, күндүз -4…+1°C чейин болушу күтүлүүдө.
Нарын облусунун айыл чарба зонасында жана тоолуу райондордо түнкүсүн температура -23…-28°C чейин төмөндөп, күндүз -9…-14°C болот. Жогорку тоолордо түнкүсүн температура -26…-31°C жетип, күндүз -9…-14°C болот. Суусамыр өрөөнүндө түнкүсүн температура -30…-35°C жетиши мүмкүн, күндүз -11…-16°C болот.
Мындай кыйын аба ырайы байланыш, энергетика жана коммуналдык кызматтардын ишине таасир этүү мүмкүн. Интенсивдүү жаан-чачын жолдордо көрүнүштү начарлатып, автотранспорт үчүн кыйынчылыктарды жаратышы мүмкүн.
