«Агродиалог-2025» конкурсуунун жеңүүчүлөрү Кытайда билим алышты

Шэньси провинциясында, Вэйнань профессионалдык-техникалык колледжинде, Ортолук Азиянын беш өлкөсүнүн өкүлдөрү катышкан окуу тренинги өттү. Бул тууралуу маалымат Кыргызстандын Ауыл чарба министрлигинен алынды.

Делегациянын курамында КРдин Суу ресурстары, айыл чарба жана кайра иштетүү өнөр жайы министрлигинин кызматкерлери, ошондой эле «Агродиалог–2025» конкурсуна жеңүүчү болгон фермерлер, квалификациясын жогорулатуу мүмкүнчүлүгүнө ээ болушту.

Тренингдин негизги максаты Ортолук Азия мамлекеттери менен кызматташтыкты бекемдөө, эл аралык тажрыйба алмашуу жана айыл чарбасында заманбап технологиялар менен ыкмаларды үйрөнүү болду. Катышуучулар Кытайдын айыл чарбасындагы акыркы жетишкендиктер, өндүрүштү уюштуруунун натыйжалуу ыкмалары жана жаңы муун фермерлерин даярдоонун концепциялары менен таанышышты.

«Окуу курсу учурунда айыл чарба техникасы, өсүмдүктөрдү коргоо ыкмалары жана тыңайткычы киргизүү технологиялары боюнча практикалык сабактар өткөрүлдү. Иш-чаранын жыйынтыгы боюнча кытай тарап мындан аркы кызматташууга даяр экенин тастыктап, региондогу айыл чарбада биргелешкен прогресстин маанилүүлүгүнө көңүл бурду», - деп айтылат маалыматта. {lang_tg} {lang_share_buttons}