Чүй облусунун ГУВДсынын УОБДД пресс-кызматы тарабынан берилген маалыматка ылайык, 131 жана 132 километр аралыктагы жолдун бөлүгүндө температура -38 градуска жетет.
16-январдан 17-январга караган түнү күчтүү суук көптөгөн унаалардын иштебей калышына себеп болду. Инспекторлор жолдо кыйын кырдаалда калган айдоочуларга жардам беришти.
Аба ырайынын кескин начарлашы менен байланыштуу, ведомство алыстагы сапарларга чыгуучу айдоочуларга этият болууну эскертет. Жол кырсыктарын алдын алуу үчүн жол кыймылынын эрежелерин так сактоону сунуштайт», - деп айтылат билдирүүдө.
Учурда, 17-январда, саат 10:30да Суусамыр өрөөнүндө жана Төө-Ашуу ашуусунда температура -41ден -45 градуска чейин өзгөрүп турат.
