Ала-Бел ашуусунда жүк ташуучу транспорт үчүн чектөөлөр киргизилди
Транспорт жана байланыш министрлиги бир нече авто жолдорунда убактылуу чектөөлөрдүн киргизилгени тууралуу билдирет. Бул чечим аба ырайынын кескин начарлашы, анын ичинде күчтүү кар жаашы жана лавиналардын түшүү коркунучу менен байланыштуу кабыл алынды.
16-январь күнү саат 19:00дөн баштап Ала-Бука – Жаңы-Базар – Кировка жана Красная Горка – Ак-Таш маршруттарында бардык түрдөгү транспорт каражаттары үчүн кыймыл токтотулду.
Пресс-кызматтын маалыматына ылайык, жол кызматтары бул участктарды тазалоо иштерин башташты.
Мындан тышкары, 16-январь күнү саат 20:00дөн баштап Бишкек – Ош трассасында жайгашкан Ала-Бел ашуусунда Арал постунда оор жүк ташуучу транспорт үчүн чектөөлөр киргизилди.
Сүрөт www
