Рейд Ысык-Көлдө: 400 метрлик тор алынган

16-январда Ысык-Көл көлүнүн сууларында Ысык-Көл облустук экологиялык жана техникалык көзөмөл кызматынын инспекторлору тарабынан уюштурулган рейддик иш-чара өттү.

Табигый ресурстар министрлиги тарабынан берилген маалыматка ылайык, рейд учурунда мыйзамсыз колдонулган 400 метр узундуктагы эски кытай синтетикалык тор табылып, алынып салынды. Бул жабдык региондогу балык запастарына олуттуу зыян келтириши мүмкүн эле.

Өтүлгөн рейддин негизги максаты мыйзамсыз балык уулоого каршы күрөшүү, суу биоресурстарын коргоо жана Ысык-Көл көлүнүн экологиялык коопсуздугун камсыздоо болуп саналат.