Депутат Арча-Бешиктеги жана Репин көчөсүндөгү жолдорду оңдоо маселесин көтөрдү

Депутат Жылдыз Садырбаева 14-январда Жогорку Кенештин жыйынында Бишкектеги Арча-Бешик жашоо массивиндеги жолдордун канааттандырарлык эмес абалына байланыштуу көйгөйдү көтөрдү.
Анын айтымында, бул аймактагы жол инфраструктурасы бир нече жылдан бери начар абалда турат.
Ал өз кайрылуусунда Пишпек районунда жайгашкан темир жол ооруканасынын жанындагы Репин көчөсүн да белгилеп өттү. Садырбаева берген маалыматка ылайык, бул көчө да узак убакыттан бери оңдолгон эмес.
Депутат борбордун мэриясын жана райондук администрацияны аталган аймактагы жолдордун сапатын жакшыртуу үчүн зарыл чараларды кабыл алууга чакырды.