Мэр тиешелүү кызматтардын өкүлдөрү менен бирге «Манас-Ата» муниципалдык башкармалыгы аркылуу өтүүчү Жекелик каналынын суу коргоо зонасын текшерди. Текшерүү учурунда Алишер Навои көчөсүндө жайгашкан кафе «Евразияга» көңүл бурулду. Бул курулуш жээкке өтө жакын курулган жана көп жылдар бою пайдаланылбай калгандыктан, таштандыга айланган.
Текшерүүнүн жыйынтыгы боюнча, тиешелүү ведомстволорго суу коргоо зонасында жайгашкан мыйзамсыз курулуштарды мүмкүн болушунча тезирээк жоюу жана бул жерди тазалоо тапшырмасы берилди.
Ошондой эле суу артериясынын коргоо зонасындагы башка имараттар да изилденди. Мындай аймактарда мыйзамсыз курулуштарды тез арада аныктоо жана алдын алуу үчүн контролду күчөтүү зарылдыгы боюнча чечим кабыл алынды.
Муниципалитеттин өкүлдөрү Ошто суу коргоо зоналарынын абалын системалуу түрдө мониторинг жүргүзүү жана мыйзамсыз курулуштарды алдын алуу боюнча иштер улантыларын билдиришти.
Учурдагы мыйзам нормаларына ылайык, каналдардын суу коргоо зонасы эки тараптан 6дан 50 метрге чейин созулат. Мисалы, Моюн, Жаны-Арык жана Жоо-Бас каналдары үчүн бул зона 6 метрди түзсө, Ак-Буура дарыясы үчүн 50 метр. Увам каналынын суу коргоо тилкеси ар бир тараптан 30 метрди түзөт.
