Иш-чарага шаар мэри Элдос Таев, шаардык кенештин төрагасы, ошондой эле жергиликтүү кызматтардын жана мекемелердин жетекчилери катышты.
Жыйында социалдык-тұрмуштук шарттар, кварталдардын абалы жана келечектеги иштер боюнча маселелер кенен талкууланды. Жолдордун абалы, ички көрктөндүрүү, таза ичүүчү сууга жеткиликтүүлүк, көчөлөрдү жарыктандыруу, калдыктарды чыгаруу, ирригациялык каналдар, ошондой эле коомдук тартип жана санитардык абал боюнча темалар талкууланды.
Мэр Э. Таев 2025-жылы жасалган иштер тууралуу айтып, 2026-жылга пландар жана приоритеттерди сунуштады. Ар бир маселе боюнча тиешелүү кызматтарга так тапшырмаларды берип, аткаруу мөөнөттөрүн белгиледи.
Тургундардын бардык сунуштары жана пикирлери протоколго жазылып, көзөмөлгө алынды. Мэрия кээ бир маселелер жеринде чечилерин, ал эми убакытты талап кылган башка маселелер этап-этабы менен чечилерин белгиледи.
Жыйналыштын форматы ачык диалогду камсыз кылып, тургундар жергиликтүү бийлик өкүлдөрүнө суроолорду берүүгө жана жооп алууга мүмкүнчүлүк алышты.
