Акимиаттын маалыматына ылайык, бузуу 2021-жылдан 2025-жылга чейин Ак-Ордо жана Орок турак жай массивдеринде курулган объектилерди камтыды. Мындан тышкары, №67 контурда мамлекеттик фонддун жерлеринде жайгашкан эки мыйзамсыз курулуш жок кылынды. Ошондой эле МТУ №109дун №516 контурунда беш участкеде орнотулган капитальдык тосмолор алынып салынды.
Бузуу иштери убактылуу токтотулду, анткени мыйзамсыз курулган турак үйлөрдүн ээлери 31-январга чейин өз объектилерин ыктыярдуу түрдө бузуу боюнча жазуу жүзүндөгү милдеттенмелерин беришти. Ленин райондук акимиаты МТУ №109, №106 жана №107 аймактарында өз алдынча курулган имараттардын ээлери буга чейин өз курулуштарын ыктыярдуу түрдө бузуу жана жер участктарын баштапкы абалга келтирүү боюнча бир нече жолу билдирүүлөрдү алышканын белгиледи. Ошондой эле жарандарды маалымдоо максатында түшүндүрүү иштери жүргүзүлдү.
