Акимиаттын маалыматы боюнча, демонтаж иштери № 107 контурунда МТУ № 10 аймагында, ошондой эле «Ак-Ордо» жана «Орок» турак жай массивдеринде жүргүзүлүүдө. Бул объектилер 2021-жылдан 2025-жылдын аягына чейин зарыл уруксат документтерсиз курулган.
Мындан тышкары, № 67 контурунда, мамлекеттик фонддун жерлеринде эки мыйзамсыз курулуш бузулду, ошондой эле № 516 контурундагы МТУ № 109да беш участоктогу капиталдык тосмолор демонтаждалды.
Кээ бир мыйзамсыз курулуштардын ээлери 31-январга чейин үйлөрүн өз алдынча бузууга жазуу жүзүндө милдеттенмелерди беришти, ошондуктан айрым участкалардагы демонтаж иштерин убактылуу токтотуу чечими кабыл алынды.
Ленин райондук акимиатынын өкүлдөрү МТУ № 109, 106 жана 107деги мыйзамсыз объектилердин ээлери бир нече жолу ыктыярдуу бузуу жана жер участкаларын баштапкы абалга кайтаруу боюнча расмий билдирүүлөрдү алышканын белгилешти. Ошондой эле, тургундар менен түшүндүрүү иштерин жүргүзүшкөн.
