Кочмандар дүйнөлүк оюндарын уюштурууга канча каражат жумшалат, чиновник айтып берди

1-6-сентябрда жаңы «Бишкек-Арена» стадионунда VI Дүйнөлүк кочмондор оюндары (ДКО) өтөт. Бул тууралуу маданият, маалымат, спорт жана жаштар саясаты министри Мирбек Мамбеталиев маалымат жыйынында билдирди.

Министр президент Садыр Жапаров иш-чарага даярдыкты жакындан көзөмөлдөп жатканын белгилеп, жумушчу топтун жетекчилиги президенттин иш башкаруучусу Каныбек Туманбаевге жүктөлгөнүн айтты.

«Кочмондор оюндарынын ачылышы ШОС саммити жана Кыргызстандын Эгемендүүлүк күнү менен чектеш келгендиктен, бул иш-чарага чоң көңүл бурулууда», — деп кошумчалады Мамбеталиев.
Оюндарды уюштурууга маданият министрлиги 500 миллион сомдон ашык каражат бөлүүнү пландаштырууда.
Мурдагыдай эле, иш-чаралар Ысык-Көлдүн жээгинде өтөт. Этногородок куруу жана ат спорту боюнча мелдештер ипподромдо өткөрүлөт. Мындан тышкары, программада Орнок айылындагы Кочмондор цивилизациясы борборун жана «Рух Ордо» комплексин пайдалануу күтүлүүдө, деди министр.

Дүйнөлүк кочмондор оюндарына 89 өлкөдөн коноктор келет деп күтүлүүдө.
Бул эл аралык мелдештер Борбордук Азиянын кочмон элдерине мүнөздүү этникалык спорттун түрлөрүнө арналган.