Бүгүн парламенттин жыйынында Жогорку Кенештин депутаты Бурун Аманова жөө адамдар менен тротуарда электр самокаттарынын кагылышуусу боюнча инциденттердин өсүшү тууралуу маселе көтөрдү.
Ал айрым өлкөлөрдө самокаттарды колдонуу же толук тыюу салынганын, же катуу эрежелер менен жөнгө салынганын белгиледи. Бурун Аманова Кыргызстанда катуу нормаларды киргизүү пландары тууралуу маалымат сурады.
Ички иштер министринин орун басары Октябрь Урмамбетов учурда электр самокаттары жана мопеддер үчүн кыймылдын тартибин уюштуруу боюнча иштер жүргүзүлүп жатканын билдирди.
Ал мыйзамга зарыл өзгөртүүлөрдү киргизгенден кийин мэрия самокаттарды каттоодон өткөрө ала турганын, бул болсо атайын инфраструктураны түзүүгө кызыгуусун жогорулатарын кошумчалады. Ошондой эле Бишкекте самокаттар үчүн өзүнчө жолдор каралганын айтты.
