BTS тобу узак убакыттан кийин дүйнөлүк турнун жарыялады.
Концерттер Азия, Түндүк жана Түштүк Америка, Европа жана Австралия өлкөлөрүндө өтөт. Жалпысынан 70тен ашык концерт пландалган, гастролдор 2027-жылдын мартында аяктайт.
Бул BTS үчүн 2021-2022-жылдардагы концерттик программадан кийинки биринчи туру болот.
Билеттердин алдын ала сатылышы 22 жана 23-январда башталат жана атайын платформага катталган расмий фан-клубдун мүчөлөрүнө гана жеткиликтүү болот. Калган сатып алуучулар билеттерди 24-январдан баштап сатып ала алышат.
Эскерте кетсек, 2025-жылдын июлунда BTS мүчөлөрү төрт жылдык милдеттүү аскердик кызматтан кийин биргелешкен ишмердүүлүккө кайтып келишти.
Түштүк Кореяда бардык эркектер 18ден 21 айга чейин аскердик кызмат өтөөгө милдеттүү. Ошол эле учурда, эл аралык деңгээлде таанылган спортчулар жана классикалык жанрдагы артисттер өзгөчө жеңилдиктерге ээ болушу мүмкүн. Бирок K-pop аткаруучулары, анын ичинде BTS, бул тизмеге кирбейт, ал эми 2020-жылы топко мыйзамдагы өзгөртүүлөрдүн жардамы менен аскердик кызматты 30 жашка чейин кийинкиге калтырууга мүмкүнчүлүк берилген.
Окшош материалдар:
