Бүгүн, 15-январда, парламент экинчи окууда "Зордук-зомбулук" деген 137-беренеге өзгөртүүлөрдү киргизүү боюнча мыйзам долбоорун талкуулады. Жаңы өзгөртүүлөр боюнча, зомбулук үчүн жоопкерчиликке азыркы учурда кызмат адамдары гана эмес, башка кызматкерлер, анын ичинде медициналык персонал да тартылышы мүмкүн.
Сурабалдиева өлкөдөгү медиктер чоң басымдын астында экенин белгиледи.
"Кыргызстанда врачтар жетишпейт. КГМАнын бүтүрүүчүлөрүнө мамлекеттик мекемелерде беш жыл иштөө милдети жүктөлдү. Бул өзгөртүүлөр бизди врачтарсыз калтырып кетпейби?" - деп депутат суроо салды.
Бирок, башкы прокурордун орун басары мындай коркунучтун жок экенин билдирди.
"Мындай коркунуч жок. Эгер зомбулук фактылары болсо, медициналык кызматкерлер башка Кылмыш-жаза кодексинин беренелери боюнча жоопкерчиликке тартылган. Бул мыйзам долбоору аларды ушул берене боюнча субъект катары тааныйт", - деп түшүндүрдү ал.
