Кыргызстанда сөз эркиндигин Министрлер кабинетинин башчысы жана ОБСЕнин өкүлү талкуулашты

Венада (Австрия) Кыргызстандын маданият министри Мирбек Мамбеталиевдин ОБСЕнин маалымат каражаттарынын эркиндиги боюнча жооптуу өкүлү Ян Брату менен жолугушуусу өттү. Бул тууралуу Кыргыз Республикасынын Маданият, маалымат, спорт жана жаштар саясаты министрлигинин маалымат кызматы билдирди.
Маданият министрлигинин маалымат кызматынын сүрөтү
Талкуу учурунда тараптар Кыргызстандагы медиа тармагынын учурдагы абалын жана пикир билдирүү эркиндигине байланыштуу маанилүү маселелерди карашты.

Министрликтин башчысы Кыргызстан сөз эркиндиги боюнча эл аралык милдеттенмелерин сактап жатканын белгилеп, маалыматты таратуудагы жоопкерчилик менен маалымат каражаттарынын эркиндиги ортосундагы тең салмакты сактоонун маанилүүлүгүнө көңүл бурду, деп айтылат расмий билдирүүдө.

Ошондой эле санарип трансформация, дезинформацияга каршы күрөшүү, кесиптик стандарттарды жогорулатуу жана медиа сабаттуулугун арттыруу темалары талкууланды.

Журналисттердин коопсуздугу, мыйзам долбоорлору жана ОБСЕ менен практикалык кызматташууну өнүктүрүү, эксперттик кеңешмелер, окутуу программалары жана мыкты тажрыйбаларды алмашуу маселелерине өзгөчө көңүл бурулду.