Кабыл алууда анын орун басарлары жана Кыргыз Республикасынын Саламаттык сактоо министрлигинин тиешелүү бөлүмдөрүнүн жетекчилери да катышты.
30дан ашык жаран медициналык кызматтардын жеткиликтүүлүгү жана сапаты, соттук-медициналык экспертизалар, жеке клиникалардын иши, балдарды дарылоо жана дары-дармектер менен камсыздоо боюнча ар түрдүү суроолор менен кайрылышты. Суроолордун арасында бейтаптар менен этикасыз мамиле кылуу учурлары да көтөрүлдү.
«Көптөгөн кайрылуулар боюнча жеринде зарыл түшүндүрмөлөр берилди. Каныбек Досмамбетов тиешелүү кызматтарга сунушталган материалдарды тез арада карап чыгып, пайда болгон көйгөйлөрдү ылдам чечүүнү тапшырды», — деп маалымдалат маалымат жыйынында.
