Жакында социалдык тармактарда адамдардын көптүгү жана мекемедеги чоң кезектерди көрсөтүп турган видео пайда болду. Бул боюнча Саламаттык сактоо министри Каныбек Досмамбетке кырдаалды чечүү үчүн дароо чара көрүү тапшырылды.
Айрыкча, видео боюнча тартылган консультативдик-диагностикалык бөлүмдө, күтүү зонасында ыңгайсыздык жана жүктөм жаратып жаткан лабораториялар башка жайларга көчүрүлдү. Ошондой эле, кезектерди уюштурууга жардам берген кошумча каттоо пункту ачылды, учурда күтүү залын кеңейтүү боюнча иштер жүргүзүлүүдө.
Бүгүнкү күндө пациенттерди кабыл алуу процессу кадимки режимде жүргүзүлүүдө, ал эми дарыгерлер жана медициналык кызматкерлер белгиленген график боюнча ишмердүүлүгүн улантууда.
