«Манас» аэропортунда калың тумандан үч рейс токтотулду

Эл аралык «Манас» аэропортунда күчтүү тумандан улам үч авиарейстин кечигүүсү болду. Кыргызстандын аэропорттору акционердик коомунун басма сөз кызматынын маалыматына ылайык, аэропорттун аймагында учурдагы көрүнүү 175 метрди гана түзөт.

Ведомствонун маалыматы боюнча, Шарм-эш-Шейх, Стамбул жана Москва шаарларынан келген рейстер токтотулду. Мындан тышкары, Египеттен келген рейс Ташкентке багытталды.