Тумандан улам «Манас» аэропортунда үч рейс кечикти

Күчтүү тумандан улам борбордук эл аралык «Манас» аэропортунда Стамбулдан, Шарм-эш-Шейхтан жана Москвадан келиши керек болгон үч рейс кечикти. Учурда бул аймакта көрүнүш 175 метрди гана түзүп, бул минималдуу уруксат берилген 800 метрден кыйла төмөн.

Аэропорттун маалымат кызматынын маалыматына ылайык, Египеттен чыккан рейс Ташкентке багытталган.

«Кыргызстандын аэропорттору» акционердик коомунун маалымат кызматы аэропортто экинчи категориядагы жаңы жарык сигналдык жабдыктар системасы киргизилгенин билдирди. Мындан тышкары, үчүнчү категориядагы жабдыктарды орнотуу боюнча иштер улантылууда. Бирок мындай татаал аба ырайында конуу боюнча акыркы чечим ар дайым учактын экипажына таандык.