Докладдын маалыматына ылайык, Россия союз өлкөлөрү арасында 146,1 миллион адам жашаган калкы менен лидерлик кылууда. Андан кийин Казакстан 20,2 миллион, Беларусь — 9,1 миллион, Кыргызстан — 7,2 миллион жана Армения, анын калкы 3,07 миллионду түзөт.
ЕАЭБ өлкөлөрүндө күтүлгөн өмүр узактыгынын өсүү тенденциясы байкалууда. 2021-жылы ал 71ден 73 жашка чейин өзгөрүп турса, 2024-жылы 72ден 79 жашка чейин жетет деп күтүлүүдө.
Шаардык калк ЕАЭБ өлкөлөрүндөгү жалпы жашоочулардын үчтөн төрт бөлүгүн түзөт, бул орточо 72,5 пайызды, ал эми 27,5 пайыз калк айылдык жерлерде жашайт.
Миграция профилиндеги эң маанилүү өзгөрүүлөр Арменияда болду. 2020-жылы өлкөгө 36 миң 577 адам кирсе, 33 миң 203 жаран өлкөдөн чыгып кетти. 2024-жылы кырдаал өзгөрдү: киргендердин саны 80 миң 996га жетти, ал эми чыккан жарандардын саны 2 миң 527 болду.
Терс миграция динамикасы Казакстан жана Кыргызстанда гана байкалууда. 2020-жылы Казакстанга 856 миң 319 адам кирсе, өлкөдөн 874 миң 37 жаран чыгып кетти. Кыргызстан болсо ошол учурда 34 миң 275 жаңы жашоочуну кабыл алды, ал эми 69 миң 136 адам өлкөдөн чыгып кетти. Бирок 2024-жылы Кыргызстан 14 миң 669 жаңы жаранды кошту, ал эми 3 миң 461 адам чыгып кетти.
ЕАЭБ өлкөлөрүнүн жалпы калкы 2024-жылы 185 миллион 870 миң 700 адамды түздү.
