Экс-премьер-министр Грузиянын акча жуу боюнча беш жылга түрмөгө кесилди
Грузиянын экс-премьер-министри Ираклий Гарибашвили беш жыл эркинен ажыратылып, 1 миллион лари өлчөмүндө айыппулга тартылды. Бул тууралуу өлкөнүн прокуратурасынан маалымдалды, DW билдирет.
Башында саясатчы 9дан 12 жылга чейин түрмөгө кесилиши мүмкүн болчу. Тергөө учурунда анын үйүнөн 6,5 миллион доллар табылган.
Октябрдын аягында прокуратура Гарибашвилиге ири мыйзамсыз кирешелерди легалдаштыруу боюнча расмий айып койду. Тергөөчүлөрдүн версиясы боюнча, 2019-2024-жылдар аралыгында, ал коргоо министри жана кийин премьер-министр болуп турган учурда, Гарибашвили ишкердик менен алектенген жана алган каражаттарын үй-бүлө мүчөлөрүнөн келген белектер катары жашырган. Ошондой эле, ал мүлкүн өз туугандарына каттаган.
Гарибашвили 2011-жылы негизделген «Грузиндик кыял» башкаруучу партиясынын мүчөсү жана бир аз убакыт ушул партиянын төрагасы болуп иштеген.
Окшош материалдар:
