Отчетто ошондой эле тестирлөө жүргүзүлгөн тилге жараша натыйжалардын ар түрдүүлүгү белгиленет. Кыргыз тилин тандаган абитуриенттердин көбү жогорку деңгээл же орточо деңгээлден жогору көрсөткүчтөрдү көрсөтүштү. Ал эми орус тилин тапшыргандардын арасында орточо жана орточо деңгээлден жогору көрсөткүчтөрдүн басымдуулугу байкалууда.
2024-жылдан баштап абитуриенттер жогорку окуу жайларына кирүү үчүн мамлекеттик тил боюнча тест тапшырганга милдеттүү экенин белгилөө маанилүү. Бул тесттин натыйжалары кирүү конкурсуна таасир этпейт, бирок аны ийгиликтүү тапшырбаган учурда ОРТ сертификаты берилбейт. Өткөн жылы 189 ОРТ катышуучусу сертификат ала алышкан жок жана натыйжада мамлекеттик тил боюнча тестти тапшыра албагандыктан жогорку окуу жайларына кирүү мүмкүнчүлүгүн жоготушту.
