Мэриянын маалыматына ылайык, учурда жашоого жараксыз болгон дарактарды кыйуу иштери жүрүүдө, ошондой эле ирригациялык каналдардын жаңылануу иштери жүргүзүлүүдө.
Ош шаарынын «Жашылдандыруу жана көрктөндүрүү» муниципалдык ишканасынын директору Азамат Советбек уулу, кыйылган дарактар Орозбек Акимбаев көчөсүнөн (А. Суюмбаев атындагы стадион жайгашкан жер) Бабур атындагы театрга чейинки участогун камтыганын белгиледи.
«Биз асфальтталган жол менен ирригациялык каналдын ортосунда, ошондой эле жолдун боюнда өсүп турган 500дөй даракты кыйдык. Мындан тышкары, С. Ибраимов атындагы драма театрынын жанындагы жана «Ош Нуру» мейманканасынын алдында жайгашкан дарактар да алынды», - деп кошумчалады ал.
Өткөн жылы экология башкармалыгы эски жана авариялык дарактарды кыйууга уруксат берди, Ош шаардык кенеши да Вахапов көчөсүнөн Алишер Навои көчөсүнө чейинки участогунда 1 870 даракты кыйууга макулдук берди.
