Температуранын кескин төмөндөшүнө байланыштуу, Нарын облусунун Ак-Талаа районундагы мектептер бир жумага алыстан окутууга өткөрүлдү. Райондук акимдин орун басары Каныбек Эсеналиев бул тууралуу «Кабар» агенттигине билдирди.
Ал бул чечимдин окуучулардын ден соолугун жана коопсуздугун камсыздоо максатында оперативдүү штабдын жыйынында кабыл алынганын белгиледи.
«Райондо катуу суук байкалууда. Эртең менен температура -30…-35°C чейин төмөндөйт. Кээ бир окуучулар мектепке жетүү үчүн алыскы айылдардан 7-8 сааттарда эки чакырымга чейин аралыкты басып өтүшү керек. Ошондуктан, бир жумага алыстан окутууга өтүү чечими кабыл алынды», - деп кошумчалады Эсеналиев.
