Владимир Путиндин кызы МГУнун медициналык институтунун директору болду

Интернеттен алынган сүрөт
Москва мамлекеттик университетинин (ММУ) медициналык илимий-билим берүү институтунун (МИБИ) директору болуп Россиянын президенти Владимир Путиндин кызы Мария Воронцова дайындалды. Бул тууралуу "Дождь" Telegram-каналы билдирет.

МИБИ "интеграцияланган илимий-билим берүү кластерин" түзөт, ал негизги медицина факультетин, регенеративдик медицина борборун жана ММУнун университеттик клиникасын камтыйт.

Негизги медицина факультетинин сайтындагы маалыматка ылайык, акыркы жылдарда ММУ башкаруучу структураларды жаңылоого жана жаш адистердин муунун колдоого багытталган кадрдык саясатты активдүү жүргүзүп жатат.
2022-жылдан 2024-жылга чейин Воронцова факультетте илим боюнча декандын орун басары кызматын аркалаган, ал эми 2024-жылдан 2025-жылга чейин МИБИде илим боюнча директордун орун басары болгон.
Быйылкы жылдын жайында Мария Воронцова Санкт-Петербургдун эл аралык экономикалык форумунда адам мүмкүнчүлүктөрүн жакшыртууга арналган сөз сүйлөгөн.