Джидда шаарында Кыргыз футбол ассоциациясы (КФА) жана Сауд Аравия футбол федерациясы кызматташуу боюнча меморандумга кол коюшту. Документке кол коюу салтанатына КФАнын президенти Камчыбек Ташиев жана анын саудиялык кесиптеши Ясер Аль-Мисехал катышты.
Бул келишимдин негизги максаты Кыргызстандагы футбол инфраструктурасын өнүктүрүү жана улуттук командалардын деңгээлин жогорулатуу. Меморандумдун алкагында 2026-2027-жылдарда аялдар жана жаштар командалары үчүн достук матчтары пландалууда.
Мындан тышкары, тараптар машыктыруучуларды окутуу, квалификациясын жогорулатуу, спорттук маалымат алмашуу жана футболду башкарууну жакшыртуу боюнча биргелешкен аракеттер тууралуу макулдашышты.
