ИЗО музейунда Ильгиз Эдилсондун «Адам эмоцияларынын анатомиясы» көргөзмөсү өтөт

Гапар Айтиев атындагы Улуттук көркөм өнөр музейинде Ильгиз Эдилсондун «Адам эмоцияларынын анатомиясы» аттуу жеке көргөзмөсү өтөт. Бул тууралуу уюштуруучүлөр 24.kg аркылуу билдиришти.

Берилген маалыматка ылайык, сүрөтчү адамдардын эмоционалдык тажрыйбасын изилдеп, түстү, форманы жана мейкиндиктин композициясын колдонууда.
«Төрт түстүү чөйрө жүздөгөн эмоционалдык абалдарды — кубанычтан жана ишенимден баштап, коркуу жана чечкиндүүлүккө чейин көрсөтөт. Бул көргөзмө сезимдердин лабиринти катары курулган, ар бир бурулуш жаңы аспекттерди ачат: жаркын кубанычтан баштап, тынч жалгыздыкка чейин. Сүрөттөр жана скульптуралар эмоциянын архитектурасын түзөт, ар бир элемент сезимдердин бирдиктүү системасынын ажырагыс бөлүгү болуп саналат. Эмоция дүйнөсүнө болгон бул саякат чыныгы «менге» кайтарат», — деп баса белгилешти уюштуруучүлөр.

Ильгиз Эдилсон — Бишкекте жашап, иштеген заманбап сүрөтчү. Он жылдан ашык убакыттан бери ал эмоционалдык интеллект, адам эмоциялары жана жүрүм-турум паттерндерин активдүү изилдеп, искусствону, психологияны жана нейробиологияны айкалыштырып келет.

Сүрөтчү өзүнүн практикасында нейрология жана жүрүм-турум психологиясынын маалыматтарына таянып, чыңалуу, уязвимость, ишеним жана коркуу сыяктуу жука жана көп учурда сүрөттөп айтууга кыйын абалдарды берүү үчүн абстракттуу визуалдык тилди колдонууда.

Көргөзмө 16-январда ачылып, 1-февралга чейин уланат.