Кыргызстандын саламаттыкты сактоо министри Дамир Осмонов Жогорку Кеңештин жыйынында бөйрөк жетишсиздигинен жабыркаган бейтаптардын санынын тынчсыздандырган өсүшү тууралуу билдирди. Анын айтымында, 2010-жылы өлкөдө 2860 мындай учур катталса, азыркы учурда алардын саны 4478ге жетти.
Дүйнөлүк саламаттыкты сактоо уюмунун маалыматы боюнча, өлкөдө 1 миллион калкка орточо 630 бөйрөк жетишсиздигинен жабыркаган бейтап туура келет. Мисал катары, Казакстанда бул көрсөткүч 800, Россияда — 900.
Министрдин айтымында, оорунун өнүгүшүнө негизги себептер болуп диабет, пиелонефрит жана жогорку кан басымы эсептелет.
Учурда Кыргызстанда 54 гемодиализ борбору иштейт. Алардын 2си мамлекеттик, 4ү мамлекеттик-менчик өнөктөштүк негизинде иштейт, ал эми 48и жеке менчик. Бишкекте 11, Ысык-Көл облусунда 5, Чүй облусунда 6, Ош облусунда 6, Жалал-Абад облусунда 8, Талас облусунда 3, Баткен облусунда 6 жана Нарын облусунда 3 гемодиализ борбору бар.
Бул медициналык мекемелерде 61 врач жана 106 медициналык кызматкер эмгектенет.
